Dili, Haksesuk Bola (HB). Hafoin manan kampionato Liga Futebol Amadora (LFA) Primeira Divisaun, Sporting, Laulara & Benfica (SLB), prontu ba tuir kompetisaun nivel Clubes iha nivel AFC Cup nian, haktuir Sekretariu Jeral SLB Domingos Caeiro ba Haksesuk Bola, Quinta-Feira (04/08/2016).
Tuir publikasaun Haksesuk Bola iha edisaun segunda-Feira (01/08/2016),´´ Problema entre FFTL ho LFA, difikulta SLB ho Karketu Dili FC partisipa iha kompetisaun Clubes AFC nian´´,hare mos haksesuk Bola online (1).
Hatan ba noticias Haksesuk Bola, Secretario Estado, Juventude no Desporto (SEJD) hatan liu husi publikasaun Haksesuk Bola,edisaun Quarta-feira (03/08/2016), ´´ Relasaun FFTL ho LFA nian, iha SEJD nia matan´´,hare mos Haksesuk Online (2).
Hatan ba realidade ne´e, Sekretariu Estadu Juventude no Desporto (SEJD) Leovigildo Hornai haktuir katak, “Ita bo’ot sira labele konfundi no labele iha konfuzaun, laiha dezentendementu entre Federasaun Futebol Timor Leste (FFTL) ho Liga Futebol Amadora (LFA). Problema sira oituan ne’ebe iha nene’e, ne’e la’os dezentedementu,”koalia Sekretariu Estadu Juventude no Desportu ne’e ba Haksesukbola, Kuarta (3/8/2016) iha Dili, relasiona ho informasaun ne’ebe espalha katak, FFTL ho LFA ladun iha relasaun ne’ebe diak, hodi difikulta Klube Timor Leste ne’ebe sai kampionato atu ba partisipa iha AFC, hafoin termina Liga Amadora.
Leovigildo Hornai sublinha, hanesan hotu-hotu hare, Liga Futebol Amadora lao no iha kooperasaun ne’ebe diak ho entidade hotu-hotu.
“Ne’eduni, buat sira ne’ebe ita bo’ot sira hare, hau hanoin, ita buka hare ninia problema ne’e iha ne’ebe. Mais enjeral Liga Futebol Amadora hala’o ninia knar i Federasaun mos hala’o ninia knar, ne’ebe ladun iha inplikasaun ba Liga ne’e rasik, Liga ne’e sei ejisti no sei la’o didiak nafatin no hetan susesu iha tinan oin mai,”afirma Governante ne’e.
Nia realsa, Ninia hanoin katak Liga ne’e foin hahu no foin estabelese prosesu sira ne’e, espera katak prosesu ne’e bele la’o ho diak no la’o ho susesu, bele iha entende malu, hodi bele resolve problema rasik ho dalan ne’ebe mak diak.
“Hau hanoin dezentementu laiha, se iha karik, durante ne’e labele la’o (Liga Futebol Amadora labele la’o-read). Ne’ebe Liga sei la’o, ita sei buka hadia buat hotu iha Federasaun sira nian, iha Asosiasaun sira nian no iha Klube sira nian, bele dehan desportu enjeral, para desportu ne’e bele lao ba oin,”haklaken Leovigildo Hornai.
Ambisaun ba kuekuer atletas no Culbes, tenki hola parte iha kompetisaun internasionais ba Clubes no Selesaun, hasae ritmu kompetitivu no aumentu evolusaun ba teknikas futebol rasik. Partisipasaun iha Clubes iha nivel AFC depende ba ligasaun husi instituisaun sira ne´ebe kaer ba Bola, Governu liu husi SEJD,FFTL no LFA.
Husi parte seluk, Ivo Pinto, antigo Presidente Académica Timorense de Coimbra (ATC),´´Husu atu Governo bele sai mahon no bele resolve problema ne´ebe iha Futebol, nune bele alkansa objetivu ne´ebe mak ita hotu hakarak, desenvolve futebol no hamosu atletas sira ne´ebe ho talenta diak´´. Konaba polemika ida ne´e, Haksesuk Bola sei buka tuir opiniaun husi FFTL,LFA no Clubes sira nian. (HB).
AD-SLB 